Aurrekoan aipatu genuen UPV-k euskararekiko duen jarrera aski nabarmena dela hainbat detaile txikitan. Hala ere UPV-k euskarari ematen dion garrantzi eskasa ez dute soilik detaile txikiek erakusten; gauza oinarrizkoenetan ere huts egiten baitute.
Ikasleon eskubidea da idazkaritzara joan eta euskaraz atenditu gaitzaten. Askotan ez da horrela gertatzen ordea. Idazkaritzako langile askok ez dakite euskaraz hitz egiten eta beraz ez dira gure behar eta zalantzak euskaraz erantzuteko gai. Hau al da "Euskal Herriko Unibertsitatea"? Pauso txiki baina trinkoetan geurea den hizkuntza, euskara, nola baztertzen duten ikustera kondenatuta al gaude???
Beste behin ere eskubideak urratzen zaizkigu ikasleoi eta gure herriko hizkuntza baztertua izaten da; hizkuntza arrotz batean hitz egitera behartzen gaituztelarik.
Suscribirse a:
Enviar comentarios (Atom)
No hay comentarios:
Publicar un comentario